Xəbər verdiyimiz kimi, voleybol üzrə qadınlardan ibarət Azərbaycan millisinin sabiq hücumçusu Katerina Jidkova AEK-dən kənarlaşdırılıb.
Sportinfo.az xəbər verir ki, onun Ermənistan - Azərbaycan münasibətlərinə görə Yunanıstan klubundan kənarlaşdırılması iddia olunur.
Oyunçunun AEK-də olmasının ermənilər tərəfindən problem kimi qəbul edilməsi ehtimalı nəzərə alınaraq bu addımın atıldığı deyilir.
Azərbaycan Voleybol Federasiyasının mətbuat xidmətinin rəhbəri Şəfəq Kərimova bildirib ki, deyilənlər reallığı əks etdirmir:
"Onun AEK-dən kənarlaşdırılmasında heç bir siyasi amil yoxdur. Bu, həm klubun, həm də özünün razılığı əsasında olub. Özü də deyib ki, klubdan ayrılmasını heç kim siyasətlə əlaqələndirməsin".
