Azərbaycan millisinin sabiq voleybolçusu Katerina Jidkova Yunanıstanın AEK klubundan ayrılmasına aydınlıq gətirib.
Sportinfo.az xəbər verir ki, 31 yaşlı hücumçu apasport.az-a açıqlamasında müqaviləyə qarşılıqlı razılıq əsasında xitam veriləcəyini deyib.
Jidkovanın sözlərinə görə, AEL-dən ayrılmasında hansısa hadisələr rol oynamayıb: “Müqaviləni pozub, komandadan ayrılıram. Biz anlaşmaya qarşılıqlı razılıq əsasında xitam veririk.
Azərbaycanda baş verən hadisələrin buna təsir yoxdur. Dağlıq Qarabağdakı müharibənin komandadan getməyimlə bağlılığından söhbət gedə bilməz”.
Jidkova AEK-lə ötən ay bir mövsümlük müqavilə imzalamışdı.
