Qadınlardan ibarət Azərbaycan milli komandasının sabiq voleybolçusu Yekaterina Jidkovanın yeni klubu bəlli olub.
Sportinfo.az xəbər verir ki, 2019-cu ilin sonlarında Türkiyə təmsilçisi “Nilüfer Belediyespor”la vidalaşan 30 yaşlı hücumçu karyerasını Yunanıstanda davam etdirəcək.
Jidkova AEK ilə anlaşıb. Voleybolçu yaxın günlərdə komandasının düşərgəsinə qatılaraq mövsümün hazırlıqlarında iştirak edəcək. Ötən mövsüm aşağı liqanın çempionu olan AEK yenidən qayıtdığı yüksək dəstədə ilk oyununu oktyabrın 10-da keçiriləcək.
