Qadın voleybolçulardan ibarət komandaların mübarizə apardığı Azərbaycan Yüksək Liqasında cari mövsümün final oyunu keçirilib.
Sportinfo.az xəbər verir ki, həlledici matçda “Azərreyl” “Abşeron”la üz-üzə gəlib.
Bakı İdman Sarayındakı qarşılaşma “Azərreyl”in 3:1 (25:13, 15:25, 25:21, 25:21) hesablı qələbəsi ilə yekunlaşıb.
Bununla da “Azərreyl” 2023/2024-cü illər mövsümünün qızıl medallarına sahib çıxıb.
“Azərreyl”in kişilərdən ibarət komandası finalda “Murov Az Terminal”ı (3:2) məğlub edərək ölkə çempionu olmağı bacarıb.
Qadınların Yüksək Liqasında bürünc medalları “Gəncə”yə 3:0 hesabı ilə qalib gələn “Murov Az Terminal” əldə edib.
