.jpg)
Beynəlxalq Voleybol Federasiyası (FİVB) milli komandaların reytinq siyahısını açıqlayıb.
Sportinfo.az xəbər verir ki, koronavirus pandemiyası üzündən beynəlxalq səviyyədə qarşılaşmalar keçirilmədiyi üçün iyul cədvəlində ciddi dəyişiklik olmayıb.
Qadın voleybolçulardan ibarət Azərbaycan yığması da siyahıda mövqeyini qoruyub. Aktivində 127 xal olan təmsilçimiz yenə cədvəldə 26-dır. Millimiz 25-ci sıradakı Xorvatiyadan 4 xal geri qalır, 27-ci olan Meksikanı 1 xal qabaqlayır.
Qadınlardan ibarət komandaların siyahısının liderləri də dəyişməyib. İlk üç pillədə Çin (391), ABŞ (382) və Braziliya (328) qərarlaşıb.
Fərid Cəlalovun rəhbərlik etdiyi kişilərdən ibarət Azərbaycan millisi də mövqeyini qoruyub. Təmsilçimiz 101 xalla 58-ci pillədədir. Komandamız 57-ci olan İsraildən 4 xal geri qalırsa, 59-cu yerdəki Pakistanı 1 xal qabaqlayır. İlk sıralarda isə Braziliya (427), Polşa (384) və ABŞ (365) qərarlaşıb.
