Voleybol üzrə Avropa çempionatlarının loqoları təqdim olunub.
Sportinfo.az xəbər verir ki, Avropa Voleybol Konfederasiyası (CEV) 2021-ci ildə baş tutacaq kişilər və qadınlar arasında yarışların rəmzlərini nümayiş etdirib.
Tarixdə ilk dəfə çempionatlar 8 ölkədə təşkil olunacaq. 4 ölkə kişilərin, 4 ölkə qadınların yarışına ev sahibliyi edəcək.
Kişilər Polşa, Çexiya, Estoniya və Finlandiyada qüvvəsini sınayacaq. Azərbaycan milisinin birbaşa final mərhələsinə qatılacağı qadınların yarışı isə Serbiya, Bolqarıstan, Xorvatiya və Rumıniyada təşkil olunacaq.
