.jpg)
Voleybol üzrə AVRO-2021-in seçmə mərhələsinin qruplarının tərkibi müəyyənləşib.
Sportinfo.az xəbər verir ki, kişilərdən ibarət Azərbaycan yığmasının da rəqibləri bəlli olub.
Polşa, Çexiya, Estoniya və Finlandiyada keçiriləcək final mərhələsinə vəsiqə uğrunda mübarizə aparacaq millimiz F qrupunda qüvvəsini sınayacaq. Komandamızın rəqibləri Yunanıstan, Monteneqro və Gürcüstan olacaq.
Seçmə mərhələnin oyunları bu il avqust-sentyabr aylarında baş tutacaq. Kişilərin yarışında 26 komanda 7 qrupda iki dövrəli dairəvi sistemlə mübarizə aparacaq. Qrup qalibləri və 5 ən yaxşı ikinci yer sahibi final mərhələsinə yüksələcək.
Qadınlardan ibarət Azərbaycan yığması 2021-ci ildə keçiriləcək Avropa çempionatının seçmə mərhələsindən azaddır.
Millimiz AVRO-2019-dakı nəticəsinə əsasən Serbiya, Xorvatiya, Bolqarıstan və Rumıniyanın birgə təşkil edəcəyi final mərhələsinə vəsiqə qazanıb.
