Braziliyanın "Sesi Bauru" klubunun voleybolçusu Polina Rəhimova Azərbaycan millisindəki karyerasını başa vurur. Sportinfo.az xəbər verir ki, bu barədə 30 yaşlı hücumçu özü məlumat verib.
O, Avropa Voleybol Konfederasiyasının rəsmi saytına açıqlamasında Niderlandda keçirilən Avropa Olimpiya Təsnifat Turnirindən sonra yığmadan gedəcəyini söyləyib. Rəhimova bildirib ki, Polşa ilə bugünkü qarşılaşma onun millidəki son matçı olacaq.
Rəhimova 2007-ci ildən Azərbaycan millisinin şərəfini qoruyur.
