Qadınlardan ibarət voleybol millimiz bu gün Tokio-2020 Yay Olimpiya Oyunlarına lisenziya xarakterli Avropa Təsnifat Turnirində ikinci oyununa çıxacaq.
Sportinfo.az xəbər verir ki, A qrupunda mübarizə aparan Vasif Talıbovun kollektivi ilk iki turda Polşa və Niderlanda məğlub olan (1:3, 0:3) Bolqarıstanla qarşılaşacaq. Bu, rəqibin qrupda son oyunu olacaq.
Yanvarın 7-də Niderlanda 0:3 hesabı ilə uduzan yığmamız bolqarlara qalib gəlməklə həm ilk turdakı yenilgini unutdura, həm də yarımfinala vəsiqə iddiasını ortaya qoya bilər.
Qrupun digər görüşündə Niderland Polşadan üstün olsa, 1/2 finala qrup lideri kimi çıxacaq.
Avropa Olimpiya Təsnifat Turniri
9 yanvar
19:00. Bolqarıstan - Azərbaycan
Apeldorn (Niderland), "Omnisport" salonu.