Kişi voleybolçular arasında Azərbaycan çempionu "Murov" növbəti avrokubok matçına çıxıb.
Sportinfo.az xəbər verir ki, Çelenc kubokunda mübarizə aparan Fərid Cəlalovun yetirmələri 1/16 finalın cavab oyununu keçirib.
Təmsilçimiz Avstriyanın "Qrats" klubu ilə görüşüb. Bir gün öncə Bakı Voleybol Mərkəzinə nominal qonaq qismində çıxan “Murov” 3:0 hesabı ilə üstələdiyi rəqibi yenə məğlub edib.
Komandamız bu dəfə də “quru hesablı” qələbəyə sevinərək 1/8 finala yüksəlib.
Təmsilçimiz növbəti görüşündə “Stroossen” (Lüksemburq) – “Orion” (Niderland) cütünün qalibi ilə üz-üzə gələcək.
Azərbaycan çempionu 1/32 finalda “Kitro Varazdin”a (Xorvatiya) da hər iki matçda qalib gəlib.
"Murov" (Azərbaycan) - "Qrats" (Avstriya) - 3:0 (25:13, 25:12, 25:23)
Bakı Voleybol Mərkəzi
İlk oyun - 3:0