.jpg)
Kişi voleybolçulardan ibarət Azərbaycan millisi Avropa çempionatının seçmə mərhələsində sonuncu oyununu keçirib.
Sportinfo.az xəbər verir ki, A qrupunda yer alan yığma seçmə mərhələnin son matçında Danimarka ilə qarşılaşıb.
Matç rəqibin üstünlüyü ilə başlayıb. İlk setdə 25:19 hesabı ilə qalib gələn Danimarka millisi sonrakı hissələri də aktivinə yazıb - 25:19, 25:15. Nəticədə rəqib 3 xalı 3:0 hesablı qələbə ilə əldə edib.
A qrupunun birincisi 10 xalla Türkiyə yığması olub. Danimarka 8 xalla ikinci, oyunları xalsız başa vuran Azərbaycan millisi isə turnir cədvəlində sonuncu olub.
Ümumilikdə təsnifat oyunlarında 26 komanda 7 qrupa bölünüb. Qrupun ən güclüləri və 5 ən yaxşı ikinci yerin sahibi final mərhələsində iştirak hüququ qazanacaq.
AVRO-2023-ün təsnifat mərhələsi
A qrupu
3 avqust
Azərbaycan - Danimarka - 1:3 (22:25, 25:23, 16:25, 16:25)
6 avqust
Azərbaycan - Türkiyə - 0:3 (11:25, 20:25, 16:25)
17 avqust
Türkiyə - Azərbaycan - 3:0 (25:15, 25:16, 25:19)
20 avqust
Danimarka - Azərbaycan - 3:0 (25:19, 25:19, 25:15).
