Qadın voleybolçular arasında “Bahar kuboku”na yekun vurulub.
Sportinfo.az xəbər verir ki, turnirin ikinci günündə həlledici qarşılaşmalar baş tutub.
Hər iki görüş Azərbaycan Voleybol Federasiyasının idman zalında keçirilib. Öncə 3-cü yer uğrunda matç təşkil olunub. “Azərreyl” UNEC üzərində asan qələbə qazanıb – 3:0.
Finalın da taleyi üç setdə həll olunub. “Abşeron” “Murov”la görüşdə çətinlik çəkməyib. Super Liqada çempionluğu təmin edən Eldar Yusubovun yetirmələri aktivinə daha bir titul əlavə ediblər.
Yarımfinalda “Abşeron” “Azərreyl”i 3:1, “Murov” UNEC-i 3:0 hesabı ilə məğlubiyyətə uğradıb.
3-cü yer uğrunda oyun
14:00. "Azərreyl" - UNEC - 3:0 (25:20, 25:14, 25:16)
AVF-in idman zalı
Final
16:00. "Abşeron" - "Murov" - 3:0 (25:23, 25:18, 25:18)
AVF-in idman zalı