.jpg)
Azərbaycanın kişi və qadınlardan ibarət voleybol yığmalarının 2023-cü ildə keçiriləcək Avropa çempionatının seçmə mərhələsindəki rəqibləri bəlli olub.
Sportinfo.az xəbər verir ki, kişilərdən ibarət yığma A qrupunda Danimarka və Türkiyə ilə mübarizə aparacaq. Yarışda 26 komanda 7 qrupa bölünüb.
Qrupun ən güclüləri və 5 ən yaxşı ikinci yerin sahibi final mərhələsində iştirak edəcək.
Qadınlardan ibarət milli isə AVRO-2023-ün seçmə mərhələsində Sloveniya, Gürcüstan və Avstriya ilə birgə D qrupunda yer alacaq.
Qadınların yarışında 24 komanda 6 qrupa bölünüb. Qrupda birinci və ikinci olacaq komandalar final mərhələsinə yüksələcək.
Avropa çempionatlarında həlledici mərhələyə ev sahibliyi edəcək ölkələr hələlik açıqlanmayıb.
Qitə çempionatında seçmə mərhələnin görüşləri avqust – sentyabrda olacaq.
