Voleybol üzrə milli komandaların dünya reytinqi açıqlanıb.
Sportinfo.az xəbər verir ki, Azərbaycanın kişilər və qadınlardan ibarət yığmalarının da 2022-ci ilin ilk sıralamasındakı mövqeyi bəlli olub.
Hər iki komandamız FİVB reytinqinin 6-cı “onluğ”unda qərarlaşıb.
Kişi voleybolçularımız planetin 56-cı komandasıdır. 96 xala malik yığmamız ötən cədvəldəki mövqeyini qoruyub.
Siyahıya 399 xala malik Braziliya başçılıq edir. Polşanın 384, Rusiyanın 352 xalı var. Qadın millimizin aktivində 94 xal var. Komandamız dünyada 52-ci sırada qalıb.
Cədvəlin ilk pilləsində ABŞ yer alıb – 379 xal. Braziliya 366 xalla ikinci, Çin 360 xalla üçüncüdür.
