Şimali Makedoniyanın "Vardar" klubu Azərbaycan millisinin voleybolçusu Roman Qurski ilə vidalaşıb.
Sportinfo.az xəbər verir ki, 21 yaşlı oyunçunun müqaviləsi qarşılıqlı razılıq əsasında ləğv edilib.
Skopye təmsilçisi Qurskiyə təşəkkür edib və ona gələcək karyerasında uğurlar arzulayıb.
Roman Qurski mövsümün əvvəlində "Vardar"la 1 illik müqavilə imzalamışdı. O, 2018/2019 mövsümündə Azərbaycanda MOİK, 2019/2020 mövsümündə isə “Azərreyl”in formasını geyinib.
