Baş məşqçi Domeniko Tedesko “Fənərbaxça”nın bir müddət əvvəl Türkiyə Super Liqasında “Samsunspor”u məğlub edə bilməməsindən sonra (0:0) təzyiqlərə məruz qalıb.
Onun komandanın “sükanı arxasında” cəmi 7 oyundan sonra qovulacağı barədə söhbətlər gedirdi.
Sportinfo.az “Fotomaç”-a istinadən xəbər verir ki, “Fənərbaxça”nın prezidenti və idarə heyəti məşqçi dəyişikliyinin xeyirdən çox zərər verəcəyinə qərar verib.
Tedesko ən azı yanvar ayına kimi postunda qalacaq, bundan sonra klub rəhbərliyi onun fəaliyyətini nəzərdən keçirəcək.
“Fənərbaxça” hazırda Türkiyə Super Liqasının turnir cədvəlində 4-cü yerdədir.
