Joze Mourinyo Çempionlar Liqasının pley-off mərhələsində “Benfika”ya məğlubiyyətdən (0:1) sonra “Fənərbaxça”nın baş məşqçi postunu tərk edib.
Sportinfo.az xarici KİV-ə istinadən xəbər verir ki, Türkiyə klubu portuqaliyalı mütəxəssisin müqaviləsinə xitam verib.
Müqavilədə Mourinyonun işdən qovulacağı təqdirdə, təzminatın ödənilməsi ilə bağlı bənd var ki, bu da 15 milyon avro təşkil edir.
62 yaşlı məşqçinin indiyə qədər qovulmalardan nə qədər qazandığı hesablanıb:
“Çelsi” (2007) – 21 milyon avro, “Real” (2013) – 20 milyon avro, “Çelsi” (2015) – 14,5 milyon avro, “Mançester Yunayted” (2018) – 20 milyon avro, “Tottenhem” (2021) – 21 milyon avro, “Roma” (2024) – 3,5 milyon avro.
