“Məni söyə bilərsiniz, amma ölkəmi əsla”.
Sportinfo.az xəbər verir ki, bunu Yunanıstanın “Panatinaikos” basketbol klubunun türkiyəli baş məşqçisi Ergin Ataman Superliqanın pley-off mərhələsində “Olimpiakos”a 91:83 hesabı ilə uduzduqları qarşılaşmadan sonra bildirib.
Atamanın bu cür açıqlamasına səbəb isə həmin oyundan sonra rəqib komandanın azarkeşlərinin Türkiyəyə qarşı təhqiramiz şüarları olub:
“Bu, idman deyil, sirkdir. Burada heç kim mənim ölkəmi söyə bilməz.
Mənə və ya “Panatinaikos”a söyə bilərlər, amma Türkiyəni söyə bilməzlər. Ona görə də mənə ikinci texniki faul verildi”.
