.jpg)
“Hatayspor” baş məşqçi Ömər Ərdoğanla müqaviləni yeniləyib.
Sportinfo.az xəbər verir ki, onun sözləşməsinin müddəti 2023-cü ilin yayına qədər uzadılıb.
43 yaşlı mütəxəssis ötən ilin avqustundan “Hatayspor”u çalışdırır. Onun rəhbərlik etdiyi komanda Super Liqanın cari mövsümündə keçirdiyi 25 oyuna 42 xal toplayıb və 6-cı sırada qərarlaşıb.
Tarixində ilk dəfə Super Liqada mübarizə aparan Hatayın eyniadlı təmsilçisinin Ömər Ərdoğandan öncə Qurban Qurbanova dəvət göndərdiyini xatırladaq. “Qarabağ“ın çalışdırıcısına 3 illik müqavilə təklif olunmuşdu.
Hətta onun “Hatayspor“la anlaşması üçün Türkiyənin ictimai-siyasi dairələri də vasitəçilik etməyə cəhd göstərmişdi. Ancaq Qurbanov məlum Tovuz hadisələrindən sonra ölkədə müharibə ab-havasının əsdiyi həmin dönəmdə “Qarabağ“dan ayrılmağı lazım bilməmişdi.
.png)
