"Tokio-2020" üçün növbəti lisenziya xallarını qazandı

15 Oktyabr 20:35 Tokio-2020 114
"Tokio-2020" üçün növbəti lisenziya xallarını qazandı

Malayziyada Beynəlxalq Velosipedçilər İttifaqının 2.1 kateqoriyalı “Tour of Peninsular” yarışı start götürüb.

Azərbaycan Velosiped İdmanı Federasiyasından Sportinfo.az-a verilən məlumata görə, 20 komandanın tərkibində 115 velosipedçinin iştirak etdiyi veloturun 1-ci mərhələsində Azərbaycan yığmasının üzvü qalib olub.

196 km-lik ilk yarış günündə Elçin Əsədov məsafəni 3 saat, 57 dəqiqə, 26 saniyəyə başa vurmaqla finiş xəttini 1-ci keçib. Bu nəticə ilə velosipedçi ümumi təsnifatın birincisi kimi lider üçün nəzərdə tutulan sarı köynəyi də ələ keçirib.

Bundan başqa, mərhələ qalibiyyəti Azərbaycan yığmasının aktivinə 2020-ci il Tokio Yay Olimpiya Oyunları üçün 14 lisenziya xalı qazandırıb.

1-ci mərhələni ilk onluqda bitirənlər arasında komandanın digər üzvü Samir Cəbrayılov da var. O fotofinişə əsasən 7-ci yeri tutub. Sabah keçiriləcək 2-ci yarış günündə iştirakçılar 198 km məsafə qət edəcəklər.

Qeyd edək ki, Beynəlxalq Velosipedçilər İttifaqının reqlamentinə əsasən, Olimpiadaya lisenziya xalları verən yarışlar 2019-cu ilin oktyabr ayının 22-dək davam edəcək və reytinqin ilk 50 pilləsində yer alacaq ölkələr "Tokio-2020" Yay Olimpiya Oyunlarında iştirak hüququ qazanacaqlar.

Xəbər Lenti
14 Noyabr 19:05 Anri MLS-də!