Braziliyalı hücumçu Neymar bildirib ki, öz istedadını yüksək qiymətləndirir və hesab edir ki, əgər futbol komanda oyunu olmasaydı, o, artıq bütün titulları qazanardı.
Sportinfo.az xəbər verir ki, hücumçu “Santos”a qayıtmaq arzusunda olduğunu da etiraf edib.
“Futbolçunun həyatı çox dinamikdir. Bu gün buradasan, sabah başqa yerdə Təbii ki, yenidən Braziliyada, “Santos”da oynamaq arzusundayam. Ümid edirəm bir gün bu baş verəcək.
Futbol sürprizlərlə doludur Mən heç vaxt ittihamlardan qaçmıram. Hətta əksinə, həmişə sinəmi döyüb deyirəm ki, “məni qınaya bilərsiniz”.
Mən istedadımın hansı səviyyədə olduğunu, nəyə qadir olduğumu bilirəm. Amma futbol fərdi idman deyil.
Fərdi olsaydı, indiyə qədər bütün məqsədlərimə çatardım. Təbii ki, adıma görə təzyiq daha yüksəkdir.
Həm meydanda, həm də ondan kənarda. Bəzən şəxsi həyatımla bağlı tənqidlərlə razılaşa bilmirəm, istədiyimi edə bilərəm”, “Band Sports” Neymardan sitat gətirib.
