"Səbail"dən ayrılan Adil Nağıyevin yeni mövsümə harada başlayacağına böyük ölçüdə aydınlıq gəlib.
Təcrübəli futbolçu yenidən "Şamaxı"ya qayıtmaq qərarı verib.
O, 2022/23 mövsümünün ilk yarısını da bölgə klubunda keçirmişdi.
28 yaşlı arxa xətt oyunçusu arxada qalan mövsüm Bayıl təmsilçisində 20 oyunda meydana çıxıb və 1 asisstlə yadda qalıb.
Milli komandamızın sabiq üzvü karyerası ərzində "Zirə", AZAL və "Sumqayıt" klublarında da çıxış edib.
"Şamaxı" daha əvvəl "Turan"dan ayrılan Belajdi Pusi, "Zirə"dən ayrılan İlkin Muradov və "Səbail"dən ayrılan Rafael Məhərrəmli ilə anlaşıb.
XANOĞLAN / SPORTİNFO.AZ