İsveçrənin Sürix şəhərində təşkil olunan "Kortchnoi Open" şahmat turnirində altıncı turun görüşləri keçirilib. Sportinfo.az xəbər verir ki, qrossmeysterlərimiz turu qələbə ilə başa vurub. Qara fiqurlarla oynayan Eltac Səfərli rusliyalı Pavel Trequbovu, Qədir Hüseynov isə ağ fiqurlarla Belarus təmsilçisi Andrey Jiqalkovu əliboş qoyub.
Beləliklə, turnirin sonun bir tur qalmış aktivində 5 xalı olan Səfərli ilə Hüseynov, müvafiq olaraq, 2 və 3-cü yerdə qərarlaşırlar. Lider isə təmsilçilərimizlə eyni xala malik rusiyalı Aleksandr Rəhmanovdu. Son turda E.Səfərli və Q. Hüseynov rəqib olacaq. Eltac ağ fiqurlarla oynayacaq.
