Birləşmiş Ərəb Əmirliklərinin Şarjah şəhərində şahmat üzrə FİDE “Qran-Pri”sində ilk etap başa çatıb. Sportinfo.az-ın məlumatına görə, son turda yarışdakı yeganə təmsilçimiz Şəhriyar Məmmədyarov çinli Hou Yifanla qarşılaşıb. Görüş təmsilçimizin qələbəsi ilə yekunlaşıb. Bu nəticə ilə birlikdə xallarını 5.5-ə yüksəldən Məmmədyarov Maksim Vaşe-Laqrev və Aleksandr Qrişukla birlikdə ilk pillədə qərarlaşıb.
