Birləşmiş Ərəb Əmirliklərinin Şarjah şəhərində şahmat üzrə FİDE “Qran-Pri”si davam edir. Sportinfo.az-ın məlumatına görə, bu gün baş tutan VI turda yarışdakı yeganə təmsilçimiz Şəhriyar Məmmədyarov rusiyalı Dmitri Yakovenko ilə qarşılaşıb. Qrossmeysterimizin qara fiqurlarla oynadığı partiyada rəqiblər 13-cü gedişdə heç-heçəyə razılaşıblar.
Bu nəticə ilə aktivindəki xalları 4-ə yüksəldən Məmmədyarov liderliyini qoruyub. Belə ki, hesabat turunda qədər Şəhriyarla birlikdə ortaq lider olan Maksim Vaşe-Laqrev də Maykl Adamsla heç-heçə etdiyindən, üçüncü yerdə qərarlaşmış Nakamura da rusiyalı Qrişukla sülh bağladığından ilk pillədə heç bir dəyişiklik olmayıb.
