Birləşmiş Ərəb Əmirliklərinin Şarjah şəhərində şahmat üzrə FİDE “Qran-Pri”si davam edir. Sportinfo.az-ın məlumatına görə, 4-cü turda yarışdakı yeganə təmsilçimiz Şəhriyar Məmmədyarov ingilis qrossmeyster Maykl Adamsla qarşılaşıb.
Görüş “Şah”ın qələbəsi ilə başa çatıb. Ağ fiqurlarla oynayan Məmmədyarov 43-cü gedişdə rəqibini təslim olmağa məcbur edib. Mötəbər yarışda ikinci qələbəsini qazanan Şəhriyar 3 xal toplayaraq Maksim Vaşe-Laqrav ilə birlikdə turnir cədvəlinin şərikli lideridir.
