Yanvarın 23-də Cəbəllütariqdə şahmat festivalı start götürəcək. Sportinfo.az-ın məlumatına görə, fevralın 2-dək davam edəcək yarışda Azərbaycan yığmasının üzvü, milliləşdirilmiş legioner Arkadi Naydiç də mübarizə aparacaq.
Onun rəqibləri sırasında Fabiano Karauna (ABŞ), Maksim Vaşye-Laqrav (Fransa), Hikaru Nakamura (ABŞ), Vasili İvançuk (Ukrayna), Mixael Adams (İngiltərə), Peter Svidler (Rusiya), Veselen Toplaov (Bolqarıstan), Boris Gelfand (İsrail) və Hou Yifan (Çin) kimi məşhurlar var. Təmsilçimiz reytinqinə görə turnirə qatılacaq 250 şahmatçı arasında 11-cidi.
