Şahmat üzrə klublararası Türkiyə çempionatı davam edir. Dünən 8-ci turun oyunları keçirilib. “Beşiktaş” “Panelsan”a qalib gəlib – 5,5:2,5. Azərbaycan duelində Rauf Məmmədov (2680) Nicat Məmmədovu (2589) məğlub edibsə, Eltac Səfərli (2641) Göktan Yılmazı (Türkiyə, 2202) məğlub edib. Vüqar Əsədli (2457) isə Tuna Tuncerlə (Türkiyə, 2274) xal bölgüsünə razılaşıb. “Gökçeada” “Boğaziçi”dən güclü olub – 4,5:3,5. Nicat Abasov (2577) Əmrə Dəmirçioğluyla (Türkiyə, 2265) “sülh bağlayıb”. Turun ən gec başa çatan qarşılaşmasında Gülnar Məmmədovanın (2357) Laura Unuku (Sloveniya, 2343) yenməsi Çanakkale təmsilçisinə qələbə qazandırıb. Turun qalan qarşılaşmaları belə nəticələnib: Kahramanmaraş – Taş Duvar 5:3, Alyans – Dəniz 3:5, Varyant – THY 3:5, Hatay – Tarsus 5:3.
Xal durumu: THY – 13, Hatay – 12, Beşiktaş – 11, Panelsan – 10, Kahramanmaraş – 9, Alyans – 8, Gökçeada, Dəniz – 7, Tarsus, Varyant, Karaman, Taş Duvar – 4, Boğaziçi – 3.
Bu gün 9-cu turun partiyaları baş tutacaq: Panelsan – Karaman, Gökçeada – Beşiktaş, Tarsus – Boğaziçi, THY – Hatay, Dəniz – Varyant, Taş Duvar – Alyans.
