"Premium" kinoteatrlar şəbəkəsi “CinemaPlus” FİDE Qran-prisində iştirak edən Azərbaycan şahmatçısı Teymur Rəcəbovun rəsmi tərəfdaşı olub. Sportinfo.az xəbər verir ki, “CinemaPlus” 4 seriyadan ibarət yarışın qalibinin məhz Rəcəbov olacağına ümid edir.
Qran-pri seriyalarından ilk 2-si Qra Şarja (Birləşmiş Ərəb Əmirlikləri) və Moskva (Rusiya) şəhərlərində keçirilib. İyulun 5 - 16-da Cenevrə (İsveçrə), noyabrın 15 - 26-da Palma-de-Mayorka (İspaniya) şəhərləri son 2 Qran-priyə ev sahibliyi edəcək. Seriya nəticəsində iki qalib müəyyənləşəcək və İddiaçılar Turnirinə vəsiqə qazanacaq.
