Onunla hansı Azərbaycan klubunun maraqlandığı bilindi

23 Oktyabr 2019 10:38 Sabah 1 179
Onunla hansı Azərbaycan klubunun maraqlandığı bilindi

"Lvov"un qapıçısı Aleksandr Bandura karyerasını Azərbaycanda davam etdirə bilər. Ukrayna mətbuatının dünən yaydığı məlumatda bildirilir ki, həm 33 yaşlı qolkiper, həm də müdafiəçi Vladimir Adamyuk komandalarını dəyişmək istəsələr də, klub rəhbərliyi buna qarşıdı.

Hətta mövsümlərarası fasilədə Ukrayna təmsilçisi onları təzminat haqqı ilə yola salmağa da razılıq verməyib. Buna baxmayaraq, futbolçular qış fasiləsində ayrılmaq niyyətindədilər.

Banduranın Azərbaycan komandalarından birinin maraq dairəsində olduğu, lakin həmin klubun onu təzminat ödəmədən heyətinə qatmaq istədiyi bildirilib. Yəni adı çəkilməyən həmin klub qapıçının azad agent statusu daşımasını gözləyir.

O, bu mövsüm "Lvov"un heyətində 4 matçda iştirak edib. Karyerası ərzində yalnız Ukraynada çıxış edən Aleksandr Bandura "Tavriya", "Metallurq" (Donetsk), "Stal" kimi klubların formasını geyinib.

Sportinfo.az Banduraya təklif göndərən Azərbaycan komandasının adını dəqiqləşdirib. Bu, "Sabah"dır. Serbiyalı Saşa Stamenkoviçlə daha bir ukraynalı – Dmitri Bezrukun ümidinə qalan Masazır təmsilçisi "Lvov"un qapıçısına qışadək vaxt verib.

Digər Xəbərlər
Xəbər Lenti