Region Liqasının iki qat qalibi olan Sumqayıtın "Uğur" komandası fəaliyyətini dondurub.
Bunu Sportinfo.az-a açıqlamasında komandanın baş məşqçisi Qəzənfər Abbasov deyib.
Gənc mütəxəssis komandanın fəaliyyətini dondurmasını maliyyə problemli ilə əlaqələndirib:
"Bu il yəqin ki, Region Liqasında oynamayacağıq. Maliyyə probleminə görə alınmayacaq. Sponsor axtarışlarımız uğursuz oldu. Klub prezidentimizin bir iş adamı ilə danışığı olub. Çox güman ki, növbəti il turnirə qatılacağıq".
Region Liqası 2017-ci ildən keçirilir. Arxada qalan 2017-2018, 2018-2019 mövsümlərinin qalibi Qəzənfər Abbasovun baş məşqçisi olduğu "Uğur" komandası olub.
Ötən mövsüm pandemiya səbəbindən keçirilməyən yarışda yeni mövsümün gələn ay start götürməsi planlaşdırılır.