«Qəbələ» cari mövsüm üçün yeni geyim dəstləri sifariş etməyib.
Sportinfo.az-ın məlumatına görə, əyalət klubunun büdcəsində bununla bağlı xərc nəzərdə tutulmayıb.
Vəsait azlığından əziyyət çəkən və əsasən AFFA-nın onlara ayırdığı 1,5 milyon manat vəsaitin ümidinə qalan «qırmızı-qaralar» 2 il öncə sifariş etdiyi formalardan yararlanır.
Komanda dünən Premyer Liqanın 9-cu turu çərçivəsində keçirilən «Keşlə» ilə səfər oyununa köhnə formalarla çıxıb. Qonaqlar geyimin üzərinə «Milla» yazdıraraq, «Qafqaz hotel»i onun altında gizlədib. Nə deyək, yoxa lənət!
