"Qarabağ"ın sabiq qapıçısı Miro Varvodiçin yeni komandası müəyyənləşib.
31 yaşlı xorvatiyalı qolkiper Bosniya və Herseqovinada "Zrinski"yə keçib.
Varvodiçin müqaviləsi 2022-ci ilin yayına qədər nəzərdə tutulub.
Balkanlı "əlcək sahibi" 2012-ci ildə "Qarabağ"la iki illik müqavilə imzalamışdı. O, 1 il sonra sözləşməni qarşılıqlı razılıq əsasında ləğv edib və Ağdam təmsilçisindən ayrılıb.
Bugünlərdə isə ikinci dəfə Azərbaycana qayıtmaq şansı yaranıb. Onunla "Zirə" yaxından maraqlanır, hətta danışıqlar da aparırdı.
Mateus Albinodan bir o qədər razı qalmayan qəsəbə təmsilçisi Varvodiçə 1 illik müqavilə təklif etmişdi. Fəqət, xorvatiyalı ölkəsinə daha yaxın olmaq istəyindən dolayı, daha az məbləğə Bosniyanı seçdi.
SPORTİNFO.AZ