Sportinfo.az-ın mayın 27-də yaydığı xəbər bu gün rəsmən təsdiqlənib (https://www.sportinfo.az/idman_xeberleri/sabah/140939.html).
Bildirdiyimiz kimi, “Sabah” qapıçısı Səlahət Ağayevlə yollarını ayırıb.
Onunla mövsümün sonunda başa çatan müqavilə müddəti yenilənməyib.
Səlahət 2021-ci ilin iyun ayından “Sabah”da çıxış edirdi. Ona xidmətlərinə görə təşəkkür edilib, ona gələcək karyerasında uğurlar arzulanıb.
Səlahətin yeni iş yeri də günlər öncə yaydığımız informasiyanı doğrulayıb - o, “Qəbələ”yə keçib.
Öncə İlkin Qırtımovu sıralarına cəlb edən əyalət klubu Ağayevin də keçidini rəsmiləşdirib. 31 yaşlı qolkiperlə 1 illik müqavilə imzalanıb.
Ağayev daha öncə bunadək Premyer Liqada “İnter” (2008-2015, 2016-2017), MOİK (2011, icarədə), “Sumqayıt” (2012-2013, icarədə, 2016) və “Neftçi”nin (2017-2021) formasını geyinib.
2010-cu ildə Azərbaycan millisinin heyətində debüt edən qapıçı yığmada 21 oyun keçirib.