AFFA «Qəbələ» qarşısında götürdüyü maliyyə öhdəliyini yerinə yetirməkdə problemlə üzləşib.
Federasiya artıq əyalət klubuna çatmalı olan vəsaiti qarşılaya bilmir.
Söhbət İcraiyyə Komitəsinin qərarı ilə «qırmızı-qaralar»a ayrılan yardım paketindən gedir. Burada illik olaraq, 1,5 milyon manat nəzərdə tutulub.
Tərəflər arasında razılaşmaya əsasən, qurum hər ay «Qəbələ»nin hesabına 150 min manat köçürməlidir. Gəl ki, SOCAR-da maliyyə yoxlamasının başlaması səbəbindən, arada 3 aya yaxındır fasilə yaranıb.
AFFA son olaraq söz verib ki, problemin həllinə çalışır və borcunun hamısını bir yerdə bağlayacaq.
SPORTİNFO.AZ
