Ukrayna millisi tarixinin ilk qolunun müəllifi İvan Getsko Konfrans Liqasının III təsnifat mərhələsində Kiyev "Dinamo"sunun "Qarabağ"la ilk matçdakı (1:0) oyununu qiymətləndirib.
Sportinfo.az xəbər verir ki, yerli mətbuata danışan veteran hücumçu Kiyev təmsilçisinin Bakıdakı cavab matçında çətinlik çəkəcəyini bildirib:
"İqor Kostyukun yetirmələrini nümayiş etdirdikləri xarakterə görə tərifləyərdim. Lublindəki ilk qarşılaşmada onlar güclərinin son həddində oynamağa hazır idilər.
Bu, "Dinamo"ya ağdamlılara qarşı mübarizə aparmağa kömək etdi. Digər komponentlərə gəldikdə isə, təəssüf ki, oyunla bağlı suallar kifayət qədərdir.
Hələ debütdə vurulan və qələbə qazandıran qol da daha çox təsadüf idi. Matvey Ponomarenko inadkar oldu və öz qonaqların müdafiəçisini kobud səhvə görə cəzalandırdı.
"Qarabağ"ın futbolçuları, o cümlədən monteneqrolu Marko Yankoviç Lublində maraqlı görünürdü. Kiyevlilərdə demək olar ki, heç nə alınmırdı, çünki həm topa nəzarətdə, həm də ötürmələrdə çatışmazlıqlar çox idi.
Yaxşı ki, oyun "Dinamo"nun minimal qələbəsi ilə başa çatdı. Belə oyunla Bakıda çətinliklərdən qaça biləcəklərinə şübhə edirəm.
Bəlkə də ən yaxşı halda əzmkarlıqları və şansları sayəsində heç-heçəni saxlaya biləcəklər. Çünki etiraf etmək lazımdır ki, "Dinamo"nun hər bir xəttində zəifliklər var".
