“Qarabağ” daha bir legionerin transferini açıqlayıb.
Sportinfo.az klubun rəsmi saytına istinadən xəbər verir ki, Leandro Andrade ilə müqavilə imzalanıb.
Portuqaliyalı cinah yarımmüdafiəçisi “Çerno More”dən (Bolqarıstan) transfer edilib.
22 yaşlı futbolçu ilə 2025-ci il iyunun 30-dək müqavilə bağlanılıb. Andrade “Qarabağ”da 15 nömrəli formada çıxış edəcək.
Premyer Liqanın lideri bunadək Rüstəm Əhmədzadə və Luka Quqeşaşvilini heyətinə qatıb.