“Quba soyuq iqlimə malikdir. Orada təbii otu qorumaq çətin məsələdir”.
Bu sözləri Sportinfo.az-a açıqlamasında “Səbail”in yeni prezidenti Mirzə Bayrampur deyib.
Yaxınlarda “dənizçilər”i himayəsinə götürən iş adamı klubun Qubaya kömək perspektivindən danışıb.
O, “meydan təbii örtükdə qalacaq, yoxsa süniyə keçəcəksiz” sualına cavabında aşağıdakıları söyləyib:
“Düşünürük ki, təbii olmasa belə, hibrid qazon salaq. Əslən Qubadan olduğum üçün bölgədə təbii otu saxlamağın nə dərəcədə çətin olduğunu bilirəm.
Şaxta çox olur, yağışlar səngimir - bu kimi amillər otun qorunmasına təsir edir”.
