Klublarımız avrokuboklara fırtına kimi başlayıb.
"Sabah" və "Zirə"nin ardınca "Qarabağ" cavab görüşündə qələbə qazandı.
6 matç və 6 qol.
16 qol vuran təmsilçilərimiz öz qapısında cəmi 1 qol görüb.
Möhtəşəm tablodur.
Maraqlıdır bəs bunun əsas səbəbi nədir?
Püşkün bəxtimizə kifayət qədər münasib rəqiblər çıxarması, yoxsa klublarımızın inkişafı?
Sportinfo.az-a açıqlamasında futbol mütəxəssisi Elvin Məmmədov yuxarıdakı suala cavab olaraq bunları dedi:
"Komandalarımızın hər birinə uğurlar arzulayıram. İnşallah, qarşıdakı oyunlarda da yaxşı nəticələr qazanarlar. Çox uğurlu nəticələr əldə olundu və avrokuboklarda əla başlanğıc gördük.
Rəqiblər də münasib idi. Amma klublarımız ildən-ilə Avropa təcrübəsi topladıqca gələcək oyunlar üçün də daha çox ümid yaranır. "Qarabağ" bu işin öhdəsindən illər əvvəl gəlib. Bu gün isə "Qarabağ" artıq Avropanın böyük komandaları üçün də ciddi başağrısına çevrilib".
XANOĞLAN
.jpg)
