Bu gün Azərbaycan Premyer Liqasında III tura yekun vurulub. Səfərdə "Sabah"ın qonağı olan "İmişli" 1:0 hesabı ilə qalib gəlib.
Sportinfo.az xəbər verir ki, oyundan sonra keçirilən mətbuat konfransında "İmişli"nin baş məşqçisi Jorj Kaşkilya jurnalistlərin suallarını cavablandırıb:
"Futbolçularımı təbrik edirəm. Biz çox böyük iş görmüşük. Bu işin nəticəsi bu gün qazandığımız qələbədir. İlk hissə çox çətin oldu. İlk dəqiqələrdən "Sabah" pressinq tətbiq etdi. Lakin biz bunun qarşısını ala bildik. 2-ci hissədə tamam fərqli oyun gördük. Bizim əks-hücuma çıxmağa çox şanslarımız oldu və nəticədə qalib gəldik. Rəqimiz çox təhlükəli komandadır. Biz qol vurduqdan sonra daha rahat oynamağa başladıq. Qalibiyyəti hiss edərək daha motivasiyalı olmağa çalışdıq".
Milli komandaların oyunu ilə əlaqədar yaranan fasilədə yoxlama oyunun keçirilməsindən də söz açan mütəxəssis bunları qeyd edib: Yaranan fasilədən maksimum yararlanaraq 1-ci Liqa komandası ilə yoxlama matçı keçirmək istəyirik. Oyunun detalları haqda daha sonra paylaşım ediləcək".
.jpg)
