"Neftçi" əl-ayağa düşüb

2 İyun 15:46 Neftçi 674
"Neftçi" əl-ayağa düşüb

Donald Geryenin komandadan ayrılması və Baqali Dabonun yolüstə olması "Neftçi" rəhbərliyini əl-ayağa salıb.

Bunun nəticəsidir ki, son günlər müqavilə müddəti başa çatan futbolçularla danışıqları sürətləndirilib

Sportinfo.az xəbər verir ki, artıq bəzi futbolçularla razılıq əldə olunub. Sözləşməsi bitən Emin Mahmudovla yeni 3 illik müqavilə bağlayan “ağ-qaralar” daha 4 nəfərlə anlaşıb. Qapıçı Aqil Məmmədov, müdafiəçi Tural Axundov, yarımmüdafiəçilər Soni Mustivar və Vangelis Platellas koronavirus pandemiyası səbəbindən avqusta qədər uzanan mövsümün sonuna qədər “Neftçi”nin şərəfini qorumağa razılıq veriblər.

Hələlik yalnız hücumçu Baqali Dabonun durumu qeyri-müəyyəndir. Kipr təmsilçisi “Apollon”la anlaşan fransalı forvardın “flaqman”la müqavilə müddəti iyunun sonuna qədərdir. Klub rəhbərliyi onun heç olmasa mövsümün sonuna qədər komandaya kömək etməsini istəyir. Hazırda Dabo ilə danışıqlar davam edir.

Qeyd edək ki, “Neftçi” yerli müdafiəçiləri Anton Krivotsyuk və Ömər Buludovun da sözləşmə müddətini 2022-ci ilin yayına qədər uzadıb.

Digər Xəbərlər
Xəbər Lenti