“Bundan öncəki oyunların bəzilərində mübarizlik olurdu, bəzilərində isə olmurdu.
Buna baxmayaraq, gələcəyə nikbin baxırıq.
Problemi Samir Abasovda yox, özümüzdə axtarmalıyıq. Çünki meydançaya çıxıb oynayan bizik”.
Sportinfo.az xəbər verir ki, bunu “Neftçi”nin seneqallı legioneri Mustafa Sek deyib.
29 yaşlı müdafiəçi Premyer Liqanın 13-cü turunda səfərdə “Turan Tovuz”la 0:0 hesabı ilə bitən matçla bağlı fikirlərini bölüşüb:
“Bilirdik ki, bizi çətin səfər oyunu gözləyir. Buna baxmayaraq, komanda yaxşı hazırlaşmışdı və yaxşı reaksiya verdi. Bir xal qazandıq, eyni yolda davam etməliyik.
Baş məşqçi məsələsindən öncə özümüzü düşünməliyik ki, nəyi daha yaxşı edə bilərik. Məşqçi də həmişə dəstək və kömək üçün lazımdır.
Amma məşqçidən çox özümüz düşünməliyik ki, harada daha doğrusunu və yaxşısını edə bilərik. Məşqçi kim olur-olsun, hər birinə minnətdarıq”.
