"Kəpəz" Premyer Liqanın 27-ci turunda "Zirə"nin qonağı olacaq.
Sportinfo.az xəbər verir ki, Gəncə klubu bu oyuna itkilərlə çıxacaq.
Belə ki, komandanın baş məşqçisi Adil Şükürov Elçin Əlicanov və Giorgi Papunaşvilinin xidmətindən yararlana bilməyəcək.
Əlicanov cəzalı durumda, gürcü futbolçu isə zədəli olduğu üçün "Zirə"yə qarşı oynaya bilməyəcəklər.
"Zirə" - "Kəpəz" oyunu martın 16-da Tofiq Bəhramov stadionunda keçiriləcək və görüşə 16:00-da start veriləcək.