“Barselona” “Atletiko Paranaense”nin braziliyalı hücumçusu Vitor Roke ilə müqavilə imzalayıb.
Sportinfo.az xəbər verir ki, 18 yaşlı futbolçu ilə müqavilə 2031-ci ilə qədərdir.
Futbolçu gələn mövsümdən kluba qoşulacaq.
Roke “Atletiko Paranaense”nin heyətində bütün yarışlarda 66 oyuna çıxıb, 22 qol vurub və 9 məhsuldar ötürmə edib. “Transfermarkt”ın məlumatına görə, Rokenin bazar dəyəri 18 milyon avrodur.
