“Barselona”nın futbolçusu Serxi Roberto PSJ-nin forvardı Neymarın Kataloniya klubuna mümkün qayıdışı ilə bağlı danışıb.
Sportinfo.az xəbər verir ki, o, Neymarla danışdığını söyləyib:
“Neymarla əlaqə saxlamışam. O, “Barselona”ya qayıtsa, çox şad olacaq. Onu burada görmək xoş olardı.
Xüsusi futbolçudur, istedadlıdır. Qayıdışı reallaşa bilər? Bu işlə rəhbərlik və baş məşqçi məşğul olmalıdır”.
Öncədən PSJ-nin braziliyalının “Barselona”ya keçməsinə razılıq verdiyi ilə bağlı xəbər vermişdik.
Neymar 2017-ci ildə 222 milyon avro qarşılığında “Barselona”dan PSJ-yə keçmişdi. Həmin zaman kəsiyində o, Liqa 1 klubunun heyətində 173 oyunda 118 qol vurub və 77 məhsuldar ötürmə edib.
