“Barselona”nın futbolçusu Franki de Yonqun “Mançester Yunayted”ə transferi baş tutmayacaq.
Sportinfo.az xəbər verir ki, bu barədə məlumatı futbolçunun atasına istinadən yayıblar.
Atası bildirib ki, oğluna bir neçə klub maraq göstərsə də, o, “Barsa”da qalacaq:
“Bavariya”, yoxsa “Yunayted”? Bilirəm ki, “Barselona”ya pul lazımdır. Yaxşı təklif klubu varlandıra bilər.
Amma mən hesab etmirəm ki, bu transfer baş tutacaq. Onu da qeyd edim ki, oğluma Avropanın 5 məşhur klubu təklif göndərib”.
Məlumata görə, “Mançester Yunayted” holland futbolçu üçün 55 milyon avro ödəməyə hazırdır.
