İspaniya yığmasının baş məşqçisi Luis Enrike Xavinin “Barselona”dakı debütü haqda danışıb.
Sportinfo.az xəbər verir ki, Enrike “Barsa”nın oyun keyfiyyətinin artdığını bildirib.
O, Xavini istedadlı mütəxəssis kimi xarakterizə edib:
“Hər şey çox sadədir. Xavi özünəinam hiss etməlidir. Biz görürük ki, o, kifayət qədər istedadlı mütəxəssisdir.
“Barselona”da oyun keyfiyyətinin artdığını da görürəm. Ola bilsin ki, azarkeşlər hələ istədiklərini görə bilmirlər, amma bunun üçün zaman lazımdır.
Xavi sakit və inamlıdır. Hər şey yerini tutacaq. Onun axtardığı “silah” və potensial “Barsa”da var”.
