“Barselona” uğursuzluq zolağından çıxa bilmir.
Sportinfo.az xəbər verir ki, “Barsa” İspaniya çempionatında keçirdiyi növbəti qarşılaşmada da xal itirib.
Kataloniyalılar “Osasuna” ilə heç-heçə ediblər – 2:2.
Oyundan sonra azarkeşlər stadionu tərk etməyə hazırlaşan “Barselona”nın prezidenti Xuan Laportanın önünü kəsiblər.
Onlar prezidenti kəskin tənqid ediblər, hətta bəziləri təhqiramiz ifadələr də işlədib.
Laporta fanatların bir neçə sualını cavablandırdıqdan sonra vəziyyətin dramatikləşdiyini görərək, avtomobilinə əyləşib və arenanı tərk edib.
