Dünən Bakı Olimpiya Stadionunda IV İslam Həmrəyliyi oyunlarının rəsmi açılış mərasimi keçirildi. Sportinfo.az xəbər verir ki, möhtəşəm gecədə yadda qalan əsas məqam Mina və onun babası obrazı oldu. Baba obrazını xalq artisti, aktyor Nurəddin Mehdixanlı canlandırıb.
Minanın səhnədə canlandırdığı obraz sosial şəbəkələrdə onun kim olması barədə maraq doğurub. Əsas qəhrəman Minanın əsl adı Eleonora Yusifovadır. Onun hazırda 13 yaşı var. Eleonora 6 yaş yarımından etibarən bədii gimnastika ilə məşğul olur. Özündən başqa bir bacısı olan Eleonora Gimnastika Məktəbinin 6-cı sinif şagirdidir. Balaca qızcığaz obrazını 5 dublyor canlandırıb.
