"Bu qərarı mən vermişəm, vicdanım rahatdır"

22 Oktyabr 15:32 İngiltərə 296
"Bu qərarı mən vermişəm, vicdanım rahatdır"

"Arsenal"ın baş məşqçisi Mikel Arteta yarımmüdafiəçi Məsut Özilin Premyer Liqa oyunları heyətinə daxil edilməməsi qərarına münasibət bildirib.

Sportinfo.az xəbər verir ki, o, bununla bağlı deyib:

"Mənim tərəfimdən deyə biləcəyim tək şey bu qərarın tamamilə futbol üçün olmasıdır. Vicdanım rahatdır, çünki həmişə ona qarşı ədalətli olmuşam. Onunla ünsiyyətim həmişə yaxşı idi və qarşılıqlı gözləntilərimizin fərqində idik.

Məsuta yetəri qədər şans verdim. Üç oyunçunu heyəta daxil etmədiyim üçün üzgünəm. Heç kim bundan razı qalmayacaq, amma qərarımın arxasındayam. Bu kluba gəldiyim gündən bəri Məsuta qarşı yaxşı münasibət göstərmişəm".

Özil Avroliqa üçün də heyətə daxil edilməmişdi. Arteta qərarının Özilin koronavirus səbəbindən illik maaşında 12,5 faiz endirim tələbinin rədd etməsi ilə əlaqəli olub-olmadığı ilə bağlı suala isə belə cavab verib:

"Oyunçularımdan maksimum yararlanmaq məcburiyyətindəyəm. Qərarımın hər hansı bir davranışla və ya maaş kəsilməsi məsələsi ilə əlaqəsi yoxdur. Bu qərarı mən vermişəm. Komandam üçün ən yaxşı Məsutu istəyirdim. Bəzi zaman buna çox yaxınlaşdı, amma edə bilmədiyi üçün bu qərarı verməli idim".

Xəbər Lenti
27 Noyabr 22:20 Niyə AFFA yox, "Qarabağ"?