“Mançester Yunayted”in keçmiş baş məşqçisi Ole Qunnar Sulşer komandada keçirdiyi vaxtları xatırlayıb.
Sportinfo.az xəbər verir ki, norveçli mütəxəssis, komandada olarkən birinci mövsümünün sonunda nəyinsə səhv getdiyini gördüyünü bildirib:
“Bəzi futbolçular komandanı tərk etmək istəyirdi. Birinci mövsümün sonunda nəyinsə səhv getdiyini gördüm.
Amma son iki mövsümümdə komanda çempionatı 3-cü və 2-ci yerdə tamamladı. Düşünmürəm ki, yaxşı işimizə görə adekvat tanınmadıq”.
Sulşer 2019-21-ci illərdə “qırmızı şeytanlar”ın baş məşqçisi olub. Komanda onun rəhbərliyi altında 168 oyun keçirib, 92 qələbə qazanıb, 41 məğlubiyyətə üzülüb, 35 görüş isə heç-heçə başa çatıb.